Hverfisgata 61, Snorrabakarí var hér á jarðhæðinni. Hér rak Jón Snorri bakarí lengi og flestir ef ekki allir nemar Lækjarskóla sóttu sér þangað gott í gogginn á einhverjum tímapunkti en auðvitað voru kúnnarnir úr öllu hverfinu. Þarna fékkst eðalgott franskbrauð, snúðar og kókoskúlur. Jú reyndar líka mjög gott heilhveitibrauð og franskar vöflur. Einnig góðar gráfýkjukökur. Þarna unnu synir hans Ragnar og Bergþór eða Raggi og Beggi.